- Offside
- 15:56 09.09.2026
Qadın voleybolçulardan ibarət Azərbaycan milli komandasının üzvü Yelizaveta Ruban karyerasını “Turan” klubunda davam etdirəcək.
Tovuz təmsilçisindən 90deqiqe.Az-a verilən məlumata görə, 31 yaşlı hücumçu ilə 2026/2027-ci illər mövsümünün sonunadək müqavilə imzalanıb.
Təcrübəli voleybolçu yeni mövsümdə həm Azərbaycan Yüksək Liqasında, həm də Avropa arenasında “Turan”ın uğurları üçün mübarizə aparacaq.
Qeyd edək ki, Yelizaveta Rubanın son klubu Rusiyanın “Leninqradka” komandası olub.
