Azərbaycan cüdoçularının “Böyük Dəbilqə”də ilk rəqibləri bəlli oldu

Macarıstanın paytaxtı Budapeştdə cüdo üzrə “Böyük Dəbilqə” turnirinin püşkatma mərasimi keçirilib.

Azərbaycan Cüdo Federasiyasından 90deqiqe.Az-a verilən məlumata görə, püşkatmanın nəticələrinə əsasən, millimizin üzvlərinin yarışın ilk mərhələsində qarşılaşacaqları rəqiblər müəyyənləşib.

“Los-Anceles-2028” Yay Olimpiya Oyunlarına lisenziya xalları verən turnirdə Azərbaycan 11 çəki dərəcəsində 16 cüdoçu ilə təmsil olunacaq. Onlardan 12-si kişi, 4-ü qadın idmançıdır.

Budapeşt “Böyük Dəbilqə”sində 67 ölkədən ümumilikdə 504 cüdoçu – 308 kişi və 196 qadın iştirak edəcək.

Sentyabrın 11-13-də keçiriləcək yarışın ilk günündə təsnifat mərhələsinə saat 11:00-da, final blokuna isə saat 19:00-da start veriləcək.

Qadınlar

48 kiloqram, 1/16 final

Könül Əliyeva – Mariya Sequnda (Anqola)

52 kiloqram, 1/16 final

Aydan Vəliyeva – Andrea Stoyadinov (Serbiya)

70 kiloqram, 1/16 final

Südabə Ağayeva – Tais Pina (Portuqaliya)

+78 kiloqram, 1/16 final

Madina Kaisinova – Qabriyel Buvye (Belçika)

Kişilər

60 kiloqram, 1/32 final

Babarəhim Mirzəyev – Nuradil Aljan (Qazaxıstan)

60 kiloqram, 1/16 final

Murad Muradlı – Vahe Ağasyan (Ermənistan)

66 kiloqram, 1/16 final

Rəşad Yelkiyev – Mohammad Xoşbin (IRT)

Nizami İmranov – Maykl Frayer (Böyük Britaniya) / Akjigit Nassir (Qazaxıstan) cütünün qalibi ilə

73 kiloqram, 1/32 final

Kamran Süleymanov – Natan Kadinyan (Fransa)

Rəşid Məmmədəliyev – Orlando Kazorla (Fransa)

81 kiloqram, 1/32 final

Hidayət Heydərov – Benedek Tot (Macarıstan)

Vüsal Qələndərzadə – Odisseas Georqakis (Kipr)

90 kiloqram, 1/16 final

Vüqar Talıbov – Stevan Nikçeviç (Monteneqro) / Aleks Kret (Rumıniya) cütünün qalibi ilə

100 kiloqram, 1/16 final

Əjdər Bağırov – Xuslen Munxuu (IRT) / Daniel Lyubimovski (ABŞ) cütünün qalibi ilə

+100 kiloqram, 1/16 final

Camal Qamzatxanov – İqor Vraçar (Serbiya)

Kənan Nəsibov – Artyom Zolotuxin (Rusiya).