“Sabah” Avropa Kubokunun son qalibini transfer etdi

“Sabah” basketbol klubu heyətinə yeni oyunçu cəlb edib.

xəbər verir ki, paytaxt təmsilçisi amerikalı basketbolçu Tacuan Eyci ilə mövsümün sonunadək müqavilə imzalayıb.

28 yaşlı və 2,03 metr boya malik forvard ötən mövsümü Fransanın “JL Burq” klubunda keçirib. O, komandanın heyətində Avropa Kubokunun qalibi olub.

Eyci ötən mövsüm Avropa Kubokunda 15 oyuna çıxıb. Basketbolçunun turnirdə orta statistik göstəriciləri 6,5 xal və 3,2 ribaund təşkil edib.

2020-ci ildə peşəkar karyerasına başlayan amerikalı oyunçu daha əvvəl Bolqarıstanın “Balkan”, İsrailin “Makkabi Aşdod”, Almaniyanın “Rasta Vexta” və Fransanın “Qravlen-Dünkerk” klublarında çıxış edib. O, həmçinin Yeni Zelandiyanın “Hoks Bey Hoks” komandasının formasını geyinib.

Beləliklə, Tacuan Eyci mövsümün sonunadək “Sabah”ın uğurları üçün mübarizə aparacaq.