- Offside
- 21:43 16.09.2026
“Naxçıvan” basketbol klubu heyətinin əsas oyunçularından olan Camaal Brantley ilə müqavilənin müddətini uzadıb.
Klubdan 90deqiqe.Az-a verilən məlumata görə, 34 yaşlı basketbolçu ilə yeni anlaşma birillik müddətə nəzərdə tutulub.
198 sm boya malik Camaal Brantley ötən mövsüm “Naxçıvan”ın əsas liderlərindən biri olub. Təcrübəli basketbolçu 2024/2025 mövsümündə “Neftçi”nin heyətində də çıxış edib və Azərbaycan Basketbol Liqasında gümüş medal qazanıb.
Beləliklə, Brantley yeni mövsümdə də “Naxçıvan”ın heyətində mübarizə aparacaq.
