“Benfika” “Vitoriya Gimaraeş”i məğlub etdi

Portuqaliya çempionatının VIII turunda “Benfika” doğma meydanda “Vitoriya Gimaraeş”lə qarşılaşıb.

90deqiqe.Az-ın məlumatına görə, Lissabon təmsilçisi görüşü 2:0 hesablı qələbə ilə başa vurub. Komanda hər hissədə bir qol vuraraq rəqibinə fərqlənmək imkanı verməyib.

Matçın 24-cü dəqiqəsində Samuel Dal hesabı açaraq “Benfika”nı önə çıxarıb. Meydan sahibləri bundan sonra da oyuna nəzarəti əllərində saxlayaraq rəqibin təhlükəli hücumlarının qarşısını alıblar.

Qarşılaşmanın 75-ci dəqiqəsində Georgi Sudakov fərqlənərək yekun nəticəni müəyyənləşdirib – 2:0.

Beləliklə, “Benfika” Portuqaliya çempionatında növbəti qələbəsini qazanıb.