Azərbaycan millisinin dünya çempionatının seçmə mərhələsi üçün heyəti açıqlanıb

Futzal üzrə Azərbaycan millisi oktyabrın 16-da dünya çempionatının əsas seçmə mərhələsində ilk oyununu keçirəcək.

Azərbaycan Futzal Federasiyasından 90deqiqe.Az-a verilən məlumata görə, Çexiya yığması ilə səfər qarşılaşmasına hazırlıq məqsədilə millinin heyətinə 14 futzalçı dəvət olunub. Onlar “Neftçi” və “Araz-Naxçıvan” klublarını təmsil edirlər.

Azərbaycan millisinin heyəti:

“Neftçi”: Fərid Atakişiyev, Kamran Hacıyev, Nihad İsmayılov, Emil Həsənzadə, Tofiq Əliyev.

“Araz-Naxçıvan”: Emin Kürdov, Murad Quluzadə, Kənan Manafov, Oktay Rüstəmli, Ədalət Ələkbərov, Nurlan Məmmədov, Eldar Zeynalov, Novruz Kazixanov, Ülvi Əliyev.

Qeyd edək ki, Çexiyanın Fridek-Mistek şəhərində yerləşən “Hala Polarka” arenasında keçiriləcək görüş Bakı vaxtı ilə saat 22:00-da başlayacaq.