Azərbaycanın U-20 voleybolçu qızları yoxlama oyununda qələbə qazanıblar

20 yaşadək voleybolçu qızlardan ibarət Azərbaycan millisi Avropa çempionatının I təsnifat mərhələsinə hazırlığı Qubada davam etdirir.

Azərbaycan Voleybol Federasiyasından 90deqiqe.Az-a verilən məlumata görə, yığma təlim-məşq toplanışı çərçivəsində “Milli Aviasiya Akademiyası”nın gənc qızlardan ibarət komandası ilə yoxlama oyunu keçirib.

Qarşılaşma U-20 millimizin 3:0 hesablı qələbəsi ilə başa çatıb.

Qeyd edək ki, baş məşqçi Gökhan Edmanın rəhbərlik etdiyi komandanın hazırlıq prosesi oktyabrın 19-dək davam edəcək. Yığma EEVZA-nın təşkil etdiyi Avropa çempionatının I təsnifat mərhələsində mübarizə aparacaq.