- Offside
- 22:39 24.10.2026
Kişi voleybolçuların Super Liqasında 2026/2027-ci illər mövsümünün I turuna yekun vurulub.
90deqiqe.Az-ın məlumatına görə, turun son qarşılaşması oktyabrın 24-də Fövqəladə Hallar Nazirliyinin idman zalında keçirilib. Görüşdə “Xilasedici” və “Neftçi” komandaları üz-üzə gəlib. Qarşılaşma “Xilasedici”nin 3:1 hesablı qələbəsi ilə başa çatıb.
Görüşün setləri 28:26, 26:24, 23:25 və 25:14 hesabları ilə yekunlaşıb.
Beləliklə, I turun nəticələrinə əsasən, “Xilasedici”, “Azərreyl” və “Ordu” komandaları mövsümə qələbə ilə başlayıblar.
Qeyd edək ki, Super Liqanın II turunun oyunları oktyabrın 28-də keçiriləcək. Növbəti turun qarşılaşmalarının təqvimi ilə bağlı əlavə məlumat veriləcək.
