Azərbaycan cüdo millisi Düşənbədəki Qran-prini 5 medalla başa vurub

Gənclərdən ibarət Azərbaycan cüdo millisi Tacikistanın paytaxtı Düşənbədə keçirilən Qran-pri turnirini 5 medalla başa vurub.

90deqiqe.Az-ın məlumatına görə, Dünya Cüdo Turunun təqviminə daxil olan yarışın son günündə daha iki təmsilçimiz fəxri kürsüyə yüksəlib. Əli Qazıməmmədov (-90 kq) və Davud Namazlı (-100 kq) bürünc medal qazanıblar.

Xatırladaq ki, turnirin ilk günündə Vüsalə Hacıyeva (-57 kq) gümüş, Xədicə Qədəşova (-57 kq) və Hanna Zaytseva (-63 kq) isə bürünc medala sahib çıxıblar.

Beləliklə, Azərbaycan millisi beynəlxalq turniri bir gümüş və dörd bürünc medalla başa vurub.