Azərbaycan karateçiləri dünya kubokunda üç medal qazanıblar

Azərbaycan Karate Federasiyasının “Vado-Ryu karate” üslubu üzrə milli komandasının üzvləri Yunanıstanın paytaxtı Afinada keçirilən dünya kubokunda üç medal qazanıblar.

90deqiqe.Az-ın məlumatına görə, oktyabrın 23-dən 25-dək təşkil olunan yarışda Azərbaycan təmsilçiləri bir gümüş və iki bürünc medala sahib olublar.

U-21 yaş kateqoriyasında -75 kq çəki dərəcəsində mübarizə aparan İmran İsmayılzadə finala yüksələrək dünya kubokunun gümüş medalını qazanıb.

16-17 yaş qrupu üzrə -67 kq çəki dərəcəsində çıxış edən Uğur Quliyev, eləcə də böyüklər arasında +80 kq çəki dərəcəsində yarışan Maarif Xurşudov bürünc medala layiq görülüblər.

Qeyd edək ki, Azərbaycan millisi dünya kubokunda Vilayət Əmirovun rəhbərliyi altında iştirak edib