Əbu-Dabidə “Böyük Dəbilqə” turnirində Azərbaycan cüdoçularının rəqibləri müəyyənləşib

Birləşmiş Ərəb Əmirliklərinin paytaxtı Əbu-Dabidə cüdo üzrə “Böyük Dəbilqə” turnirinin püşkatma mərasimi keçirilib.

90deqiqe.Az-ın məlumatına görə, püşkün nəticələrinə əsasən, Azərbaycan təmsilçilərinin ilk rəqibləri müəyyənləşib.

“Los-Anceles-2028” Yay Olimpiya Oyunlarına lisenziya xalları qazandıran yarışda Azərbaycan 9 çəki dərəcəsində 12 cüdoçu ilə – 8 kişi və 4 qadın idmançı ilə təmsil olunacaq. Turnirdə 59 ölkədən 374 cüdoçu (221 kişi, 153 qadın) mübarizə aparacaq.

Oktyabrın 29-dan 31-dək keçiriləcək Əbu-Dabi “Böyük Dəbilqə” turnirinin ilk günündə təsnifat mərhələsi Bakı vaxtı ilə saat 11:30-da, final görüşləri isə saat 18:00-da başlayacaq.

Qadınlar

48 kq, 1/8 final

Könül Əliyeva – Ulbusin Xakimova (Özbəkistan)

52 kq, 1/16 final

Gültac Məmmədəliyeva – Karina Yefimova (Rusiya)

70 kq, 1/16 final

Südabə Ağayeva – Nensi Nquyen (ABŞ)

+78 kq, 1/8 final

Madina Kaisinova – İrisxon Kurbanbayeva (Özbəkistan)

Kişilər

60 kq, 1/8 final

Balabəy Ağayev – David Ştarkel (Sloveniya) / Nikita Anisimov (Rusiya) cütünün qalibi

66 kq, 1/16 final

Rəşad Yelkiyev – Erbol Abasbekov (Qırğızıstan)

66 kq, 1/8 final

Ruslan Paşayev – German Kobets (Rusiya) / Tom Simxayev (İsrail) cütünün qalibi

73 kq, 1/16 final

Kamran Süleymanov – Zamoxşari Bekmurodov (Özbəkistan) / Xristos Dimitriadi (Kipr) cütünün qalibi

Hidayət Heydərov – Baysanqur Baqayev (Serbiya) / Lusian Bors Dumitresku (Rumıniya) cütünün qalibi

90 kq, 1/16 final

Elcan Hacıyev – Yosip Buliç (Xorvatiya)

+100 kq, 1/8 final

Uşanqi Kokauri – Şərifcon Nazriyev (Tacikistan) / Yakiv Xammo (Ukrayna) cütünün qalibi

Camal Qamzatxanov – Saba İnaneişvili (Gürcüstan) / Andre Umberto (Braziliya) cütünün qalibi