- Offside
- 20:37 01.11.2026
Azərbaycan komandası Seneqalın paytaxtı Dakarda keçirilən Yeniyetmələrin IV Yay Olimpiya Oyunlarında ilk qızıl medalını qazanıb.
90deqiqe.Az-ın məlumatına görə, bu uğura cüdoçu İbrahim Talıbov imza atıb.
55 kq çəki dərəcəsində mübarizə aparan idmançımız finalda Xorvatiya təmsilçisi Zvorc Jonanı məğlub edərək Azərbaycan yığmasının aktivinə “Dakar-2026”nın ilk qızıl medalını yazdırıb.
Qeyd edək ki, mübarizəyə 1/4 final mərhələsindən başlayan İbrahim Talıbov ilk iki görüşdə Mərkəzi Afrika Respublikasından İbrahim Mussanı və Səudiyyə Ərəbistanı təmsilçisi Muratz Hebahı üstələyib.
Xatırladaq ki, noyabrın 13-dək davam edəcək “Dakar-2026” Yeniyetmələrin IV Yay Olimpiya Oyunlarında Azərbaycan 8 idman növündə 13 idmançı ilə təmsil olunur.
