- Offside
- 20:49 05.11.2026
Noyabrın 9-10-da Abşeron Olimpiya İdman Kompleksində 17 yaşadək yeniyetmələr arasında cüdo üzrə Bakı şəhər birinciliyi təşkil olunacaq.
Azərbaycan Cüdo Federasiyasından (ACF) 90deqiqe.Az-a verilən məlumata görə, yarışda 71 klub və idman cəmiyyətindən 587 cüdoçu mübarizə aparacaq. Onlardan 483-ü oğlan, 104-ü isə qız idmançıdır. İştirakçılar 16 çəki dərəcəsi üzrə medallar uğrunda qüvvələrini sınayacaqlar.
Qeyd edək ki, birinciliyin əsas məqsədi kvotalar əsasında Azərbaycan çempionatında iştirak edəcək idmançıları müəyyənləşdirməkdir.
