“Turan” CEV Çempionlar Liqasının qrup mərhələsinə vəsiqə qazanıb

Qadın voleybolçulardan ibarət “Turan” komandası CEV Çempionlar Liqasının qrup mərhələsinə vəsiqə əldə edib.

90deqiqe.Az-ın məlumatına görə,  Azərbaycan təmsilçisi III təsnifat mərhələsinin cavab oyununda Bolqarıstanın “Maritsa” kollektivini qəbul edib. Tovuz Olimpiya İdman Kompleksində keçirilən qarşılaşma komandamızın 3:0 hesablı qələbəsi ilə başa çatıb.

Qeyd edək ki, tərəflər arasında keçirilən ilk görüşdə də “Turan” səfərdə rəqibini 3:0 hesabı ilə məğlub edib.

Beləliklə, iki oyunun nəticəsinə əsasən, Azərbaycan klubu CEV Çempionlar Liqasının qrup mərhələsinə yüksəlib.