- Offside
- 00:11 13.11.2026
Kişi voleybolçulardan ibarət “Xilasedici” komandası CEV Çempionlar Liqasının II təsnifat mərhələsini adlayıb.
90deqiqe.Az-ın məlumatına görə, Azərbaycan təmsilçisi mərhələnin cavab oyununda Portuqaliyada yerli “Sportinq” klubu ilə qarşılaşıb. Görüş “Xilasedici”nin 3:2 hesablı qələbəsi ilə başa çatıb.
Komandalar arasında Bakıda keçirilən ilk matçda da eyni hesablı nəticə qeydə alındığından mərhələnin taleyi qızıl setdə həll olunub. Həlledici setdə 15:13 hesabı ilə üstün olan Azərbaycan təmsilçisi III təsnifat mərhələsinə vəsiqə qazanıb.
