- Offside
- 17:26 19.11.2026
Taekvondo üzrə yeniyetmələrdən ibarət Azərbaycan milli komandasının üzvləri Yardımlıda təlim-məşq toplanışına cəlb olunublar.
Azərbaycan Taekvondo Federasiyasından (ATF) 90deqiqe.Az-a verilən məlumata görə, hazırlıq prosesi yığmanın baş məşqçisi Səbuhi Zülfüqarov və böyük məşqçisi Cəlil Abdullayevin rəhbərliyi ilə keçirilir.
Toplanış zamanı idmançıların taktiki-texniki bacarıqlarının təkmilləşdirilməsinə, döyüş taktikasının və yarışlara hazırlıq səviyyəsinin yüksəldilməsinə xüsusi diqqət yetirilir.
Qeyd edək ki, təlim-məşq toplanışı noyabrın 21-də başa çatacaq.