21 noyabr 2026. Şənbə

Bakıda U-20 basketbol üzrə Avropa çempionatı keçiriləcək


  • Offside
  • 18:20 21.11.2026
  • Oxunma sayı: 25
Bakıda U-20 basketbol üzrə Avropa çempionatı keçiriləcək

Azərbaycan 2027-ci ildə 20 yaşadək oğlanlar arasında basketbol üzrə Avropa çempionatının B divizionuna ev sahibliyi edəcək.

Azərbaycan Basketbol Federasiyasından 90deqiqe.Az-a verilən məlumata görə, yarışın keçirilmə yeri və tarixləri noyabrın 20-də Almaniyanın Hamburq şəhərində təşkil olunan FIBA Avropa İdarə Heyətinin iclasında təsdiqlənib.

Qərara əsasən, U-20 oğlanlar arasında Avropa çempionatının B divizionu 2027-ci il iyulun 9-dan 18-dək Bakıda təşkil olunacaq.

Bu, Azərbaycanın həmin səviyyəli U-20 basketbol üzrə Avropa çempionatına ilk dəfə ev sahibliyi etməsi olacaq. Yarışın ölkəmizdə keçirilməsi basketbolun inkişafı və beynəlxalq turnirlərin təşkili baxımından əhəmiyyətli hadisə kimi qiymətləndirilir.







Offside