Qarabağ'ın şikayəti təmin edildi

AFFA-nın Apellyasiya Arbitraj Tribunalının iclası keçirilib.

Corner.az-ın məlumatına görə, iclasda “Qarabağ” tərəfindən verilmiş apellyasiya şikayəti qismən təmin edilib.

Belə ki, AFFA İntizam Komitəsi Premyer Liqanın XII turunun “Sumqayıt”la qarşılaşmasında aqressiv davranış edən “Qarabağ”ın yarımmüdafiəçisi İsmayıl İbrahimli 3 oyunluq cəzalandırılmışdı. Onun cəzası 2 görüşə endirilib.

Ancaq futzal üzrə Birinci Liqada keçirilən “Baku Fans” – “Baku Fire-2” oyununda rəqibi ayaqla bilərəkdən vurduğuna, hakimi təhqir etdiyinə, hakimə fiziki təzyiq göstərdiyinə görə 10 oyunluq cəzalandırılan “Baku Fans”ın üzvü Eldost Paşayevlə bağlı qərar qüvvədə saxlanılıb.