Səbail Ukrayna klubu ilə qarşılaşacaq

"Səbail"in qış təlim-məşq toplanışı çərçivəsində üz-üzə gələcəyi rəqiblərdən birinin adına aydınlıq gəlib.

Corner.az saytı xəbər verir ki, paytaxt klubu Türkiyədə Ukrayna təmsilçisi "Olimpik"lə üz-üzə gələcək.

Bu barədə Donetsk klubu məlumat yayıb. Bildirilir ki, qış fasiləsində Antalyada iki təlim-məşq toplanışı keçirəcək ukraynalılar 8 yoxlama görüşündə qüvvəsini sınayacaq. Rəqiblərdən biri də məhz "Səbail" olacaq. Yanvarın 14-də Antalyaya yollanacaq Visente Qomesin yetirmələri orda ikinci sınağını yanvarın 18-də "Səbail" önündə verəcək.

Qeyd edək ki, "Səbail" 12–26 yanvar tarixlərində Türkiyədə hazırlaşmağı və 4 yoxlama matçı keçirməyi planlaşdırır.