Qəbələ və Zirə yarımfinalda!

Bu gün Azərbaycan kubokunda 1/4 final mərhələsinin cavab görüşlərinə start verilib.

Corner.az xəbər verir ki, ilk oyun günündə iki qarşılaşma baş tutub.

İlk olaraq "Zirə" "Səbail"lə qarşılaşıb. Komandalar arasındakı birinci oyunda hesab açılmayıb. Bu matçda isə meydan sahibləri 1:0 hesablı qələbə ilə növbəti mərhələyə yüksəlib.

Günün digər matçında  "Sabah" "Qəbələ"ni qəbul edib. İlk görüşdə 3 cavabsız qolla qələbə qazanan əyalət təmsilçisi bu dəfə 3:2 hesablı qalib gələrək ilə yarımfinala adlayıb.

Qeyd edək ki, 1/4 final mərhələsinin digər cavab görüşləri sabah keçiriləcək.

19 dekabr

18:00. “Sabah” – “Qəbələ” - 2:3
Qollar: Davit Volkov, 22 (0:1), 23 (0:2), Bəhlul Mustafazadə, 62 (1:2), Klesio Bauk, 64 (1:3), Bəhlul Mustafazadə, 76 (2:3)
Hakimlər: Əliyar Ağayev, Zeynal Zeynalov, Qəzənfər Məmmədov, Namiq Bəkirov
“Bank Respublika Arena”
İlk oyun - 0:3

15:00. “Zirə” – “Səbail” - 1:0
Qol: Sezar Rodrigez, 105+1
Hakimlər: Rəhim Həsənov, Namiq Hüseynov, Mübariz Haşımov, Vüqar Həsənli
Zirə İdman Kompleksinin stadionu
İlk oyun - 0:0