Keşlə yayda gətirdiyi futbolçunu göndərir

"Keşlə” yarımmüdafiəçisi Ziya Əzizovla yollarını ayırır.

Corner.az xəbər verir ki, yayda transfer edilən futbolçu paytaxt klubunda heç bir rəsmi oyuna çıxmadan göndərilir.

Maraqlısı bundadı ki, o, həmin dövrdə “Zirə” ilə yoxlama matçında zədə almışdı və həmin vaxtdan özünə gəlmirdi.

Hollandiyada “Den Boş”da çıxış etmiş, daha sonra “Neymegen”ə keçmiş Ziya burada debüt etməmişdi. Elə gəldiyi ölkəmizdə də rəsmi matç görməyib. Məsələ burasındadı ki, ayağında yaranan çatın müalicəsi yekunlaşmamış daha ciddi problemi üzə çıxmışdı.

Yarımmüdafiəçi öd kisəsində daşlar olduğundan əməliyyat edilmişdi. Məhz bu üzdən uzun müddət məcburi istirahət etmək məcburiyyətində qalmışdı.