"Zirə” bu gündən etibarən mövsümün qalan hissəsi üçün hazırlığa başlayıb.
Corner.az xəbər verir ki, Zaur Həşimovun komandası Bakıda toplaşıblar.
“Qartallar” ayın 7-nə kimi paytaxtda hazırlıq keçəcək. Ayın 8-də isə komanda Türkiyənin Antalya şəhərinə yola düşəcək.
Qəsəbə təmsilçisi burada “İC Santai” otelində məskunlaşacaq. “Zirə” qonşu ölkədə 3 yoxlama oyunu keçirməyi planlaşdırıb. Komanda yanvarın 11-də Türkiyənin “Ümraniyespor”, 16-da Rumıniyanın “Sepsi”, 21-də isə Serbiyanın “Napredak” klubları ilə qarşılaşacaq.
“Qartallar” yanvarın 22-də Bakıya dönəcək.
