Sumqayıt'dan qələbə, Qarabağ Neftçi ilə heç-heçə etdi

Bu gün Azərbaycan Premyer Liqasında 16-cı turun oyunlarına yekun vurulub.

Corner.az xəbər verir ki, sonuncu oyun günündə 2 qarşılaşma keçirilib.

"Sumqayıt" öz meydanında "Zirə"ni qəbul edib. Matç meydan sahiblərinin 2:1 hesablı qələbəsi ilə yekunlaşıb. Bu qalibiyyətlə "Sumqayıt" turnir cədvəlində yenidən 4-cü pilləyə yüksəlib.

Turun son və mərkəzi oyununda - Azərbaycan derbisində isə "Qarabağ" öz doğma meydanında "Neftçi" ilə üz-üzə gəlib. Görüşdə qalib müəyyənləşməyib.

8 fevral

20:00. “Qarabağ” – “Neftçi” - 0:0
Hakimlər: Rauf Cabarov, Namiq Hüseynov, Elşad Abdullayev, Səbuhi Bayramov
Tofiq Bəhramov adına Respublika stadionu

17:30. “Sumqayıt” – “Zirə” - 2:1
Qollar: Elvin Cəfərquliyev, 13 (1:0), Ağabala Ramazanov, 35 (1:1), Xəyal Nəcəfov, 66 (2:1)
Qırmızı vərəqələr: İlkin Muradov, 37 ("Zirə"), Ağabala Ramazanov, 68 ("Zirə")