Qəbələ'nin legioneri koronavirusa görə ölkəsinə qayıtdı

"Qəbələ"nin futbolçusu Fernan Lopes koronavirus pandemiyasına görə vətəni İspaniyaya yollanıb.

Corner.az xəbər verir ki, bu barədə klubun prezidenti Fariz Nəcəfov məlumat verib.

O bildirib ki, 25 yaşlı yarımmüdafiəçi ailə vəziyyəti ilə əlaqədar ölkəsinə gedib: "Lopeslə gündəlik təmasdayıq. Hazırda o, ailəsi ilə bərabərdir və hər şey qaydasındadır".

F.Nəcəfovun sözlərinə görə, son günlər daha bir neçə legioner futbolçu ölkəsinə qayıtmaq istədiyini bildirib: "Amma indiki halda bu, bir qədər mümkünsüz görünür. Klubumuzun bütün üzvlərinə evdə qalmağı və digər insanlarla maksimum az təmasda olmağı tövsiyə etmişəm".

Qeyd edək ki, İspaniya (140 510) ABŞ-dan (367 659) sonra koronavirusa ən çox vətəndaşının yoluxduğu ikinci ölkədir.(report)