Qazaxıstan klubu “Keşlə” ilə oyundan imtina etdi

Corner.az xəbər verir ki, paytaxt təmsilçisi bu gün “ASK Arena”da yeni ilin ilk məşqinə çıxıb. Bir müddət Bakıda hazırlaşacaq Tərlan Əhmədovun yetirmələri yanvarın 12-də Antalyaya yola düşəcək.

Bu arada “Keşlə”nin Antalyada toplanışı çərçivəsində Qazaxıstan təmsilçisi "Okjetpes”lə yanvarın 17-də keçiriləcək yoldaşlıq matçı rəqib tərəfin məşqçilər heyətində baş vermiş dəyişikliklə bağlı ləğv olunub. Bu barədə “Keşlə”nin mətbuat xidməti məlumat yayıb. Lakin məlumatda bildirilir ki, sözügedən komanda yanvarın 18-də Özbəkistanın U-23 komandası ilə yoxlama matçı keçirməyi planlaşdırır.

Qeyd edək ki, Keşlə'nin Antalya toplanışı yanvarın 26-da yekunlaşacaq.(komanda.az)