İndoneziyada nəqliyyat Azərbaycandakından 20 dəfə pisdir - Essyen

“Dostlarımla Bakı haqqında danışanda, bu şəhərin harada olduğunu da bilmədilər”.

Corner.az xəbər verir ki, bunu “Səbail”in futbolçusu Maykl Essyen Rusiyanın “Match TV” kanalına açıqlamasında deyib.

38 yaşlı yarımmüdafiəçi bildirib ki, heç kim onu Azərbaycan çempionatına getməyə razı salmayıb: “Qohumlarım buranı yanımda olduqları zaman çox xoşlayırlar. Bakıda, ümumiyyətlə, tıxac yoxdur”.

Qanalı futbolçu Azərbaycanı İndoneziya ilə müqayisə edib: “Bir neçə il İndoneziyada oynadım, orada nəqliyyatın vəziyyəti 20 qat pisdir. Azərbaycan mətbəxi çox dadlıdır, amma yüksək kalorilidir". 

Qeyd edək ki, Maykl Essyen 2019-cu ilin martından “Səbail”də çıxış edir.