“Neftçi” karantini pozub? – Dabodan açıqlama+VİDEO

Dünən "Neftçi"nin məşq bazasında koronaviorusla bağlı karantin vaxtı oyunçuların qaçmasıyla bağlı qısa video yayılıb. Bu səhər məlum olub ki, həmin videonu "İnstaqram"dakı səhifəsində komandanın fransalı hücumçusu Baqali Dabo yerləşdirib.

Corner.az xəbər verir ki, bu gün Dabo özünün sosial şəbəkə səhifəsində məsələ ilə bağlı açıqlama yayıb.

“Gördüm ki, bir media orqanı statusumda yayımladığım videonu paylaşdı. Bu video karantin müddətindən əvvəl çəkilib. Bunun klubuma pis təsir edə biləcəyini düşündüm. Ona görə də bu yazını sizinlə bölüşməyə qərar verdim. Bir daha deyirəm ki, məşqdən paylaşdığım video karantin tətbiq olunmazdan əvvəl çəkilib. Uzun müddətdir ki, futbolsuz qalmışam və məşqlər, matçlar üçün çox darıxıram. Hər kəsi əmin etmək istəyirəm ki, bir aydan çoxdur məşq bazamıza baş çəkməmişəm".(qol)