Mahir Emreli evindəki oğurluqdan danışdı

“Evimdə baş verən oğurluq hadisəsi ilə bağlı istintaqda ifadə vermişəm”.

Corner.az xəbər verir ki, bunu millimizin və "Qarabağ"ın futbolçusu Mahir Emreli “Report”un “Instagram” səhifəsində canlı yayımda deyib.

Hücumçu qeyd edib ki, hələlik ona dəymiş ziyan ödənilməyib.

Qeyd edək ki, M.Emrelinin Sulutəpə qəsəbəsində yerləşən evindən 20 min dollar, 17 min manat, mobil telefonlar və 5 min manatlıq qızıl əşyaları (ümumilikdə 60 min manatlıq) oğurlanıb. Məlum olub ki, oğurluq edən şəxs (yaxud şəxslər) mənzilə pəncərədən daxil olublar.

Polis əməkdaşlarının keçirdiyi əməliyyat-axtarış tədbirləri nəticəsində Qazax rayon sakinləri, əvvəllər məhkum edilmiş Nicat Vəliyev və Anar Cəfərov tutulub.

Xatırladaq ki, hər iki şəxsin barəsində Cinayət Məcəlləsinin 177.3.2-ci (oğurluq, külli miqdarda ziyan vurmaqla törədildikdə) maddəsi ilə ittiham irəli sürülüb.