- Misli Premyer liqa
- 22:43 27.04.2026
2020/2021 mövsümü üçün transfer çalışmalarına start verən “Sumqayıt” 2 futbolçusu ilə müqaviləni yeniləyib.
Corner.az klubun rəsmi saytına istinadən xəbər verir ki, qapıçı Mehdi Cənnətov və müdafiəçi Elvin Bədəlov növbəti mövsümdə də komandanın uğurları üçün çalışacaq.
Qeyd edək ki, 2017-ci ildən “Sumqayıt”da çıxış edən Cənnətov ümumilikdə 55 qarşılaşmada meydanda olub. 2019-cu ildə bu komandaya qoşulan Elvin Bədəlov isə 20 oyun keçirib. 1343 dəqiqə meydanda olan mərkəz müdafiəçisi 1 məhsuldar ötürmə ilə yadda qalıb.
