Azərbaycan Premyer Liqasında 2020/21 mövsümünə start verilib.
Corner.az xəbər verir ki, bu gün 29-cu ölkə çempionatının açılış matçı Sumqayıtda baş tutub. Azərbaycanı Avropa Liqasında təmsil edəcək "Sumqayıt"la "Keşlə" avrokubok oyunu öncəsi qarşılaşıblar. Bu oyunda qonaqlar son dəqiqədə vurduğu qol sayəsində qələbə qazanıblar.
Günün ikinci oyunu Avroliqadakı digər təmsilçimiz “Neftçi” ilə “Səbail” arasında keçirilib. Üç qolun qeydə alındığı matçda qələbəni meydan sahibləri qalib gəlib.
Qeyd edək ki, ilk tur çərçivəsində avqustun 22-də “Qarabağ” – “Sabah”, 23-də isə “Qəbələ” – “Zirə” qarşılaşmaları da baş tutacaq.
Azərbaycan Premyer Liqası
1-ci tur
21 avqust
“Sumqayıt” – “Keşlə” 0:1
Qol: A.Salahlı, 90+4.
Matçın 27-ci dəqiqəsində "Sumqayıt"ın heyətində Rəhim Sadıxov penaltidən yararlana bilməyib (kənara).
Hakimlər: Elçin Məsiyev, Pərvin Talıbov, Müslim Əliyev, Nicat İsmayıllı.
“Sumqayıt Arena”.
