Azərbaycan Premyer Liqasının yeni mövsümünün 1-ci turu çərçivəsində keçirilmiş “Qarabağ”la oyun (2:0) “Sabah”ın gənc futbolçusu Ceyhun Nuriyev üçün əlamətdar olub.
Corner.az xəbər verir ki, 19 yaşlı yarımmüdafiəçi Premyer Liqada ilk oyununa çıxıb.
Baş məşqçi Visente Qomes gənc futbolçuya start heyətində şans verib. Ceyhun qarşılaşmanın 61-ci dəqiqəsində Yevgeni Koçukla əvəzlənib.
Qeyd edək ki, Nuriyev “Sabah”ın əsas komandasına klubun U-19 komandasından cəlb olunub.
