Neftçi uduzdu, Qarabağ xal itirdi

Azərbaycan Premyer Liqasında 2-ci turun oyunlarına start verilib.

Corner.az xəbər verir ki, ilk oyun günündə 2 qarşılaşma baş tutub.

Turun açılış qarşılaşmasında “Neftçi” öz meydanında “Sumqayıt”ı qəbul edib. “Bakcell Arena”da baş tutan oyun meydan sahiblərinin məğlubiyyəti ilə yekunlaşıb. Qonaqlara dubla imza atan yeni transfer Əli Qurbani qələbə qazandırıb.

Digər oyunda isə "Qarabağ" səfərdə  "Keşlə"nin qonağı olub. Bu görüşdə qapılara qol vurulmayıb.

Qeyd edək ki, Premyer Liqada II turun digər oyunları sentyabrın 12-si və 13-də oynanılacaq. Müvafiq olaraq, "Səbail" evdə "Zirə"ni, "Sabah" isə "Qəbələ"ni sınağa çəkəcək.

Azərbaycan Premyer Liqası
II tur
11 sentyabr (cümə)

“Neftçi” – “Sumqayıt” 0:2
Qol: Ə.Qurbani, 14; 46.
Qırmızı vərəqə: A.Krivotsyuk, 83 (ikinci sarı).
Hakimlər: Rəvan Həmzəzadə, Cəmil Quliyev, Vüqar Bayramov, Fərid Hacıyev
Bakı. "Bakcell Arena".

“Keşlə” – “Qarabağ” 0:0
Hakimlər: Səbuhi Bayramov, Eyyub İbrahimov, Nahid Əliyev, Rövşən Rəcəbov
Bakı. "ASK Arena".