Səbail və Zirə'dən inamlı qələbə

Azərbaycan Premyer Liqasında 4-ci turun növbəti qarşılaşmaları keçirilib.

Corner.az xəbər verir ki, ikinci oyun günündə 2 qarşılaşma baş tutub. 

“Səbail” öz meydanında “Sabah”ı qəbul edib və 2:1 hesabı ilə qələbə qazanıb.  Bu, "Səbail"in 2020/2021 mövsümündə ölkə çempionatında ilk qələbəsi olub.

Digər oyunda isə “Zirə” səfərdə “Keşlə”nin qonağı olub və rəqibinə 3:2 hesabı ilə qalib gəlib. Bu qələbə ilə Rəşad Sadıqovun komandası turnir cədvəlində 2-ci pilləyə yüksəlib.

20:15. “Keşlə” – “Zirə” - 2:3
Qollar: Silvio Rodriqes, 10 (1:0), Klesio Bauk, 21 (1:1), Dmitro Klots, 54 (2:1), Klesio Bauk, 68 (2:2), Davit Volkov, 79-pen (2:3)
Hakimlər: Rəvan Həmzəzadə, Rahil Ramazanov, Cavanşir Yusifov, Namiq Bəkirov
“ASK Arena”

18:00. “Səbail” – “Sabah” - 2:1
Qollar: Ramil Şeydayev, 27-pen (0:1), Əfran İsmayılov, 56-pen (1:1), Rauf Əliyev, 71 (2:1)
Hakimlər: Elçin Məsiyev, Elşad Abdullayev, Kamran Bayramov, Tural Qurbanov
 “ASKO Arena”