Birinci yer uğrunda mübarizə aparırıq

"Nəticələr və komandanın çıxı məni razı salır. Uğurlu seriyamız var. Yuxarı pillələrə doğru irəliləyirik".

Corner.az-ın məlumatına görə, bu fikirləri "Səbail"in oyunçusu Nikolas Hagen ESPN nəşrinə açıqlamasında komandasının Azərbaycan Premyer Liqasındakı çıxışı barədə danışarkən deyib.

Qvatemalalı oyundan-oyuna daha yaxşı təsir bağışladıqlarını bildirib: "Həm hücumda, həm də müdafiədə etibarlı oynayırıq. Əsas odur ki, öz oyunumuzu göstərməyə başlamışıq. Birinci yer uğrunda mübarizə aparmaq istəyirik. Bunun üçün oyunumuzu daha da yaxşılaşdırmalıyıq".

24 yaşlı qolkiper öz performansına da toxunub: "Tədricən mövqeyimi gücləndirirəm. Baş məşqçinin və komanda yoldaşlarımın etimadını qazandığımı hiss edirəm. Qarşılıqlı anlaşma inkişaf edir və daha kompakt şəkildə müdafiə olunuruq".

Hagen oyunu yaxşılaşdırmaq üçün eyni düşüncə tərzi ilə davam edirəm. Komandama kömək üçün əlavə məşq etməli, hazırlıq prosesində daha çox vaxt keçirməliyəm. Ümid edirəm ki, uğurlu çıxışımı davam etdirəcəyəm".

Qeyd edək ki, Nikolas Hagen 2020/2021 mövsümün əvvəlində ölkəsinin "Munisipal" klubundan "Səbail"ə keçib.