Qarabağ Sumqayıt'ı darmadağın etdi

Azərbaycan Premyer Liqasında 10-cu turun oyunlarına start verilib.

Corner.az xəbər verir ki, ilk oyun günündə bir qarşılaşma keçirilib.

Bu günə nəzərdə tutulan “Sabah” – “Səbail” oyunu bəzi futbolçular yenidən koronavirus testindən keçəcəyi üçün qeyri-müəyyən vaxta təxirə düşüb.

Günün yeganə görüşü həm də turun mərkəzi oyunu olub. “Qarabağ” öz meydanında lider “Sumqayıt”ı qəbul edib. Qurban Qurbanovun komandası eyni xala malik olduğu rəqibini keçmək üçün mütləq qələbə qazanmalı idi. Ağdam təmsilçisi bunu 6:1 hesablı darmadağınla rəsmiləşdirib. 

Qeyd edək ki, tura sabah yekun vurulacaq. “Qəbələ” “Neftçi”ni, “Zirə” “Keşlə”ni sınağa çəkəcək.

Azərbaycan Premyer Liqası
10-cu tur
21 noyabr

“Qarabağ” – “Sumqayıt” 6:1
Qol: D.Gerye, 28; 45+1. A.Zubir, 34; 89. T.Bayramov, 54. M.Emreli, 75 – T.Mütəllimov, 87.
Baş hakim: İnqilab Məmmədov.
Bakı. “Azersun Arena”.