Neftçi öz rekordunu yenilədi

“Neftçi” mövsümdə ilk böyükhesablı qələbəsini qazanıb.

Corner.az-ın məlumatına görə, bu, Azərbaycan Premyer Liqasının X turunun “Qəbələ” ilə matçına təsadüf edib.

Səfər görüşünədək bütün qələbələri bir top fərqi ilə (iki dəfə 1:0, iki dəfə 2:1) olan paytaxt təmsilçisi 4:1 hesablı qələbəyə sevinib.

Bununla da “ağ-qaralar”ın böyük hesablı qələbə qazandığı mövsümlərin sayı 28-ə çatıb. Yalnız 2015/16 mövsümündə belə nəticəsi olmayan “Neftçi”  bu göstəricidə mütləq rekordçudur.

Qeyd edək ki, ümumilikdə 128-ci dəfə üç və ya daha çox top fərqi ilə qalib gələn “Neftçi” bu göstəricidə də rekorda sahibdir.