Neftçi Zirə ilə heç-heçə etdi

Azərbaycan Premyer Liqasında 11-ci turun oyunlarına start verilib.

Corner.az xəbər verir ki, ilk oyun günündə bir qarşılaşma keçirilib.

Turnir cədvəlinin ilk “üçlüy”ündə yer alan “Neftçi” öz meydanında “Zirə” ilə heç-heçə edib. 90 dəqiqə ərzində tərəflərdən heç biri fərqlənə bilməyib və matç qolsuz yekunlaşıb.

Bu gün keçirilməli olan “Sumqayıt” – “Qəbələ” oyunu isə noyabrın 30-na təxirə salınıb. Buna səbəb qonaq komandanın futbolçularında koronavirus aşkarlanması olub.

Qeyd edək ki, sabah daha iki oyun keçiriləcək. “Səbail” “Qarabağ”ı, “Keşlə” “Sabah”ı qəbul edəcək.

Azərbaycan Premyer Liqası
11-ci tur
28 noyabr

“Neftçi” – “Zirə” 0:0
Baş hakim: Vüqar Həsənli
Bakı. “Bakcell Arena”.