Turun yeganə qalibi - Qəbələ!

Azərbaycan Premyer Liqasında 11-ci turun oyunlarına yekun vurulub.

Corner.az xəbər verir ki, sonuncu oyun günündə bir qarşılaşma keçirilib.

“Sumqayıt” öz meydanında “Qəbələ”ni qəbul edib. İki gün öncə keçirilməli olan, lakin bəzi futbolçularda koronavirus aşkarlandığı üçün təxirə salınan matç “Kapital Bank Arena”da baş tutub. Qonaqlar bu görüşdən minimal hesablı qələbə ilə ayrılıblar.

Qeyd edək ki, turun ilk üç oyununda qalib müəyyənləşməyib. “Neftçi” – “Zirə” matçında 0:0, “Keşlə” – “Sabah” və “Səbail” – “Qarabağ” görüşlərində eyni – 1:1 hesabı qeydə alınıb.

Azərbaycan Premyer Liqası
11-ci tur
30 noyabr

“Sumqayıt” – “Qəbələ” 0:1
Qol: R.Utriq, 16.
Baş hakim: Rəhim Həsənov.
Sumqayıt. “Kapital Bank Arena”.