Qarabağ və Neftçi'dən qələbə, Qəbələ uduzdu

Bu gün Azərbaycan Premyer Liqasında qış fasiləsi başa çatıb.

Corner.az xəbər verir ki, mövsümün ikinci hissəsinə 14-cü turun oyunları ilə start verilib.

İlk matç günündə üç qarşılaşma baş tutub. Lider “Neftçi” səfərdə “Səbail”in qonağı olub və 3:1 hesabı ilə qələbə qazanıb. "Zirə” isə evdə “Qəbələ” ilə üz-üzə gəlib və rəqibini 2:0 hesabı ilə məğlub edib.

Günün son oyununda  “Qarabağ” səfərdə “Sabah”ın və 2:1 hesabı ilə qalib gəlib.

Qeyd edək ki, tura sabah keçiriləcək “Keşlə” – “Sumqayıt” matçı ilə yekun vurulacaq.

21 yanvar (cümə axşamı)

18:00. “Sabah” – “Qarabağ” - 1:2
Qollar: Rahil Məmmədov, 8 (0:1), Kevin Kumemba, 60 (1:1), Mahir Emreli, 73 (1:2)
Hakimlər: Vüqar Həsənli, Pərvin Talıbov, Cəmil Quliyev, Namiq Bəkirov
“Bank Respublika Arena”

16:00. “Zirə”– “Qəbələ” - 2:0
Qollar: Musa Qurbanlı, 45, Davit Volkov, 90+3
Hakimlər: Orxan Məmmədov, Qəzənfər Məmmədov, Nahid Əliyev, Səbuhi Bayramov
Zirə İdman Kompleksinin stadionu
 
16:00. “Səbail” – “Neftçi” - 1:3
Qollar: Əfran İsmayılov, 28-pen (1:0), Sabir Buqrin, 45 (1:1), Emin Mahmudov, 51 (1:2), Sabir Buqrin, 90 (1:3)
Hakimlər: Kamal Umudlu, Cavanşir Yusifov, Müslüm Əliyev, İnqilab Məmmədov
“ASCO Arena”