Bu gün Azərbaycan kubokunda 1/4 final mərhələsinin oyunlarına start verilib.
Corner.az xəbər verir ki, mərhələnin açılış oyununda Sumqayıt "Səbail”lə üz-üzə gəlib.
Bu qarşılaşma komandalar arasında ölkə kubokları tarixində ilk dueldir. Qonaqlar bu oyunda minimal hesabla qalib gəlib.
Günün digər matçında “Qarabağ” öz meydanında “Qəbələ”ni qəbul edib. Ağdam klubu rəqibini 3:1 hesabla məğlub edib.
Sabah daha 2 görüş baş tutacaq. “Keşlə” 1/8 finalda “Sabah”ı mübarizədən kənarlaşdıran “Kəpəz”ı sınağa çəkəcək. Mərhələnin ən maraqla gözlənilən oyunu isə “Neftçi” və “Zirə” arasında olacaq.
1/4 final mərhələsinin cavab görüşləri fevralın 6-da və 7-də keçiriləcək.
Azərbaycan kuboku
1/4 finalın ilk oyunları
1 fevral
“Sumqayıt” – “Səbail” 0:1
Qol: A.Yunanov, 12.
“Kapital Bank Arena”. Hakimlər: Rauf Cabarov, Elşad Abdullayev, Müslüm Əliyev, Səbuhi Bayramov
“Qarabağ” – “Qəbələ” 3:1
Qol: O.Kvabena, 55. M.Emreli, 72; 74 - C.Adeniyi, 88.
33-cü dəqiqədə U.Matiç penaltidən yararlana bilməyib (qapıçı)
Tofiq Bəhramov adına Respublika Stadionu. Hakimlər: Rəvan Həmzəzadə, Cəmil Quliyev, Vüqar Bayramov, Tural Qurbanov
