Keşlə və Zirə yarımfinalda

Bu gün Azərbaycan Kubokunda 1/4 final mərhələsinə yekun vurulub.

Corner.az xəbər verir ki, "Kəpəz” öz meydanında “Keşlə” ilə qarşılaşıb. Bakıda baş tutan ilk matçda 0:1 hesabı ilə uduzmuş gəncəlilər bu məğlubiyyətin əvəzini çıxmaq istəsələr də bu alınmayıb. Əksinə, paytaxt təmsilçisi səfərdə inamlı qələbə qazanaraq yarımfinala yüksəlib.

Mərhələnin son görüşü “Zirə” ilə “Neftçi” arasında baş tutub. İlk matçda rəqibinə minimal hesabla uduzan “ağ-qaralar”ın dönüş edib-edə bilməyəcəyi maraqlı gözlənilirdi. Bu dəfə qapılara qol vurulmayıb. Nəticədə, sonuncu yarımfinala yüksələn "Zirə" olub.

Beləliklə, yarımfinalda "Qarabağ" "Sumqayıt"la, "Keşlə" isə "Zirə" ilə üz-üzə gələcək.

Azərbaycan Kuboku
1/4 finalın cavab oyunları
7 fevral

“Кəpəz” – “Keşlə” 0:2
Qol: R.Hacıyev, 58. A.Abanq, 90.
Hakimlər: Elçin Məsiyev, Pərvin Talıbov, Kamran Bayramov, Kamal Umudlu.
Gəncə şəhər stadionu.
İlk oyun – 0:1.

“Zirə” – “Neftçi” 0:0
Hakimlər: İnqilab Məmmədov, Eyyub İbrahimov, Nahid Əliyev, Kamranbəy Rəhimov.
Zirə İdman Kompleksinin stadionu.
İlk oyun – 1:0.