Qarabağ yenə xal itirdi, Sabah uduzdu

Azərbaycan Premyer Liqasında 16-cı turun iki oyunu keçirilib.

Corner.az xəbər verir ki, günün ilk qarşılaşması Bayılda baş tutub.

Turnir cədvəlinin son pillələrində qərarlaşan “Səbail” və “Sabah” komandaları qarşılaşıb. Meydan sahibləri bu oyunda inamlı qələbə qazanıb.

Ötən tur liderliyi əldən verən “Qarabağ” isə səfərdə "Sumqayıt"ın qonağı olub. Tərəflər bu görüşdən hərəyə 1 xalla ayrılıblar.

Turun “Keşlə” – “Zirə” və “Neftçi” – “Qəbələ” görüşü sabah keçiriləcək.  

Azərbaycan Premyer Liqası
XVI tur
19 fevral (cümə)

“Səbail” – “Sabah” 2:0
Qol: A.Yunanov, 16; 77.
“ASCO Arena”. Hakimlər: Rəhim Həsənov, Cəmil Quliyev, Eyyub İbrahimov, Tural Qurbanov

"Sumqayıt” –“ Qarabağ” 0:0
“Sumqayıt Arena”. Hakimlər: Rəşad Əhmədov, Akif Əmirəli, Rahil Ramazanov, Kamal Umudlu.