Azərbaycan Premyer Liqasında 18-ci turun oyunlarına yekun vurulub.
Corner.az xəbər verir ki, sonuncu oyun günündə də iki qarşılaşma baş tutub.
Əvvəlcə “Sumqayıt” doğma meydanda “Zirə” ilə qarşılaşıb. Görüşdə qapılara qol vurulmayıb.
Turun qapanış matçında isə lider “Neftçi” öz meydanında “Sabah”ı qəbul edib. Meydan sahibləri bu oyunda qələbə qazanıb.
Xatırladaq ki, ilk oyun günündə “Səbail” “Keşlə” ilə heç-heçə edib (1:1), “Qarabağ” isə “Qəbələ”ylə ev oyununda 3:0 hesablı darmadağına imza atıb.
Azərbaycan Premyer Liqası
18-ci tur
3 mart
Sumqayıt – Zirə 0:0
Hakimlər: İnqilab Məmmədov, Pərvin Talıbov, Vüqar Bayramov, Fərid Hacıyev.
Neftçi – Sabah 2:1
Qol: N.Ələsgərov, 34. M.Abbasov, 64 - T.Xəlilzadə, 90+3-pen.
Hakimlər: Rəşad Əhmədov, Cavanşir Yusifov, Rahil Ramazanov, Elçin Məsiyev.
