Millimizin futbolçusu 4 oyunluq cəzalandı

AFFA İntizam Komitəsi Azərbaycan millisinin və "Sabah"ın futbolçusu Ramil Şeydayevi 4 oyunluq cəzalandırıb.

Corner.az-ın məlumatına görə, səbəb kimi 24 yaşlı hücumçunun “Sabah-2” komandasının heyətində “Qaradağ Lökbatan”la I Divizionun XVI tur matçının 63-ci dəqiqəsində baş hakim Fərid Hacıyevi təhqir etməsi göstərilib.

Həmin epizodda o, birbaşa qırmızı vərəqə alaraq meydandan kənarlaşdırılıb.

İntizam Komitəsi futbolçunu I Divizionun qarşıdakı 4 oyununda iştirakdan məhrum etməklə yanaşı, klubu 320 manat cərimələyib.

Qeyd edək ki, görüş “Qaradağ Lökbatan”ın qələbəsi ilə yekunlaşıb - 2:1.