Neftçi Honda ilə müqavilə imzaladı - RƏSMİ

"Neftçi" klubu yeni transferi Keysuke Honda ilə rəsmi müqavilə imzalayıb.

Corner.az xəbər verir ki, müqaviləyə klub prezidenti Kamran Quliyevlə 34 yaşlı yarımmüdafiəçinin özü imza atıb. Yaponiyalı futbolçuya 4 nömrəli forma təqdim olunub.

Honda son olaraq Portuqaliyanın "Portimonense" klubu ilə müqavilə imzalayıb. Lakin o azı 3 ay azad agent statusu daşımadığı üçün yerli futbol liqasının qərarına əsasən, meydana çıxa bilməyib və fevralın 11-də klubla yollarını ayırıb.

Qeyd edək ki, 98 dəfə Yaponiya millisininin formasını geyinmiş Keysuke Honda 37 qol vurub. O, İtaliya "Milan"ı ilə yanaşı, Niderlandın "Venlo" və "Vitess", Rusiyanın MOİK (Moskva), Meksikanın "Paçuka", Avstraliyanın "Melburn Viktori", Braziliyanın "Botafoqo" klubularının şərəfini qoruyub.