Neftçi'nin çempionluğu üçün əlimdən gələni edəcəyəm - Honda

"Gözəl təqdimata görə təşəkkür edirəm. Burada olduğum üçün çox xoşbəxtəm. ".

Corner.az-ın məlumatına görə, bunu "Neftçi"nin yeni transferi yaponiyalı futbolçuKeysuke Honda deyib.

34 yaşlı futbolçu "Neftçi"nin çempionluğu üçün əlindən gələni edəcəyini vurğulayıb: "Rəqiblərimiz olduqca güclüdür. Bilirəm ki, asan olmayacaq. "Neftçi" çempion olmaq istəyir, mən də ambisiyalıyam. Ona görə də bura gəldim".

Təcrübəli yarımmüdafiəçi yeni komandasının çıxışını da dəyərləndirib: "Mən gəlməmişdən əvvəl "Neftçi"nin iki oyuna baxmışam. Komanda müdafiədə yaxşı oynayır. Mən hücumameyilli oyunçuyam. Hücuma kömək etməyə çalışacağam. Komanda uzun müddətdir ki, çempion olmur. Bu il şansımız var. Əlimdən gələni edəcəyəm ki, çempion olaq".