Samir Abasov: Axıra kimi döyüşəcəyik

"Həyəcanlı qarşılaşma oldu. Çətin səfər matçı idi. Yaxşı oyun alındı. Həddindən artıq qol epizodları yaratdıq, amma vura bilmədik. Axıra kimi döyüşəcəyik. Bəzi dəyişiklər etdik, buna səbəb oyunçulardan psixolonji təzyiqi götürmək idi".

Corner.az-ın məlumatına görə, bu fikirləri "Neftçi"nin baş məşqçisi Samir Abasov Premyer Liqanın XXII turunda səfərdə "Qəbələ" ilə 2:2 hesablı heç-heçə etdikləri oyundan sonra mətbuat konfransında deyib.

43 yaşlı mütəxəssis bildirib ki, ötən oyunla müqayisədə 3 dəyişiklik edib: "Əlimizdən nə gəlirsə, çalışacağıq ən yaxşısını edək. Futbolçular həqiqətən istəyirdilər və can yandırırdılar. Təəssüflər olsun ki, 3 xal qazana bilmədim. Əl qolumuzu bağlamağa ixtiyarımız yoxdur".