Azərbaycan Premyer Liqasında 22-ci turun oyunlarına start verilib.
Corner.az xəbər verir ki, ilk oyun günündə iki qarşılaşma baş tutub.
Turun açılış matçında “Qəbələ” doğma meydanda “Neftçi” üz-üzə gəlib. Ötən tur liderliyi əldən verən paytaxt təmsilçisi çətin səfərdən qələbə ilə dönməyə çalışıb. Lakin dörd qolun qeydə alındığı bu görüşdən də qonaqlar xal itkisi ilə ayrılıb.
Günün digər matçında çempionatın iki autsayder komandası - “Sabah” və “Səbail” komandaları qarşılaşıb. Bu oyunda isə ümumiyyətlə qapılara qol vurulmayıb.
Turun qalan iki oyunu sabah keçiriləcək. “Zirə” “Keşlə”ni, “Qarabağ” “Sumqayıt”ı qəbul edəcək
Azərbaycan Premyer Liqası
22-ci tur
10 aprel
“Qəbələ” – “Neftçi” 2:2
Qol: C.Adeniyi, 54. Y.Qoxa, 67 - M.Abbasov, 62. E.Mahmudov, 71-pen.
Qəbələ şəhər stadionu. Hakimlər: Əliyar Ağayev, Akif Əmirəli, Zeynal Zeynalov, Fərid Hacıyev.
“Sabah” – “Səbail” 0:0
Masazır. “Bank Respublika Arena”. Hakimlər: Kamal Umudlu, Cavanşir Yusifov, Kamran Bayramov, Namiq Bəkirov.
