Azərbaycan kubokunda ilk: Sənan Qurbanov tarixə düşdü

Azərbaycan kuboku tarixində ilk dəfə ardıcıl ikinci finalda eyni baş məşqçilər iştirak edəcək.

Corner.az xəbər verir ki, Ayxan Abbasov 2018/19 mövsümündə olduğu kimi yenə “Sumqayıt”ın “sükanı arxasında” həlledici qarşılaşmaya vəsiqə qazanıb. “Keşlə”yə rəhbərlik edən Sənan Qurbanov isə iki il öncə “Qəbələ”nin baş məşqçisi kimi buna nail olub.

Ötən mövsüm yarımçıq dayandırıldığından, baş tutan son finalın iştirakçıları iki ildən sonra yenidən üz-üzə gələcək. Ölkə kubokunun 29 illik tarixində bunadək belə hadisə qeydə alınmayıb.

Həmçinin, Sənan Qurbanov ardıcıl iki finala fərqli komandalarla yüksələn ilk mütəxəssisdir. Ona qədər bir neçə məşqçi 2, hətta 3 dəfə ardıcıl final həyəcanı yaşasa da, buna eyni komanda ilə nail olub.