Futbol üzrə Azərbaycan Premyer Liqasında 2020/21 mövsümünün ən məhsuldar oyunçusu “Neftçi”nin yarımmüdafiəçisi Namiq Ələsgərov olub.
Corner.az xəbər verir ki, 26 yaşlı futbolçu, bu mövsüm vurduğu 19 qolla çempionatın ən sərrast futbolçusu adına layiq görülüb.
Sonuncu turun “Neftçi” – “Qarabağ” qarşılaşması başa çatandan sonra keçirilən mükafatlandırma mərasimində Namiqə xüsusi hədiyyə təqdim edilib.
Qeyd edək ki, Ələsgərov ən yaxın izləyicisi Mahir Emrelini 1 qol qabaqlayıb.
